اخويا عزم خطيبته على فرحي ، ولما عرفت كلمتها وقولتلها اني مش مرحبه بيها ، لانها بنت ريفيه جاهله ومكنتش عايزاها تكسفني بكلامها و اسلوبها ، اخويا احترم رغبتي ومنعها تيجي وعدى الموضوع ونسيته،، بس هيه منسيتش ابدا واللي عملته في فرحي كان كابوس بمعنى الكلمه!!!!!
كنا بنجهز لفرحي أنا وخطيبي، اللي كان من عيلة راقية جداً وله مركزه ومقامه، وكنت حاسة إن الأمور ماشية اخر تمام.. كل حاجة كانت مترتبة بالمللي عشان تطلع لوحة فنية ولا غلطة. المعازيم، القاعة، الديكورات، الفستان، كل تفصيلة كانت تليق بمستوى عيلتنا ومستوى عيلة جوزي المستقبلي.
لحد ما في يوم، كنت قاعدة مع ماما في الصالون،
ومندمجين أوي في فرجة التصاميم والفيديوهات اللي خطيبي بيبعتهالها عشان نختار شكل الكوشة والورد، وفجأة دخل أخويا علاء، وكان شكله متردد شوية وهو بيقول بصوت هادي
بقولك إيه يا ماما.. هو أنا لازم أخد معايا نهله خطيبتي في العربية، أروح أجيبها، ولا أسيبها تيجي لوحدها أحسن؟
الكلمة خضتني بجد! .نهلة دي تبقى قريبة ماما من بعيد، وماما هيه اللي اصرت تخطبها لعلاء اخويا وهو كالعاده وافق من غير نقاش، بس انا مستحيل اوافق تحضر فرحي لانها بنت ريفيه بسيطه وتعليمها على قدها متعرفش حاجه عن الاماكن الراقيه ولا افراح الناس المحترمه
ماما كانت لسه هتفتح بقها وترد على علاء، بس أنا قمت مڤزوعة
من مكاني، وقولت پصدمة وڠضب
نهلة مين؟! هي نهلة دي أصلا إيه اللي هيجبها فرحي؟!
علاء بص لي باستغراب وقال ببرود
مالك يا بنتي في إيه؟ خطيبتي، وهتتجوزني، طبيعي تحضر فرح أختي.
ضحكت بسخرية وابتديت أزعق
تحضر إيه وبتاع إيه! دي لسه مبقتش مراتك رسمياً على ورق، عشان تحضر فرح بالمستوى ده؟ تحضر عشان تكسفني قدام الناس بأسلوبها البلدي وكلامها اللي زي السم وطريقتها اللي تجيب الضغط؟ ده إنت بتهزر!
ماما اتدخلت بتوتر وقالت بصوت مهزوز
بس يا بنتي عيب كده.. إحنا عزمناها من زمان، وطالعين في عربية واحدة، هنقولهم إيه لو مجتش؟
رديت بعناد
متقولوش حاجة.. أنا هقول، وهخلص!
من غير ما أستنى رأي حد،
طلعت تليفوني من شنطتي
رن مرتين وردت بصوتها الهادئ المعتاد. خدت نفس وقولت بحدة
ألو يا نهلة.. بصي يا حبيبتي، إنتي خطيبة أخويا، وعلى عيني وعلى راسي، بس أنا بصراحة مش عيزاكي تحضري فرحي.. دي حرية شخصية، وأنا شايفة إن لا شكلك ولا أسلوبك ولا مقامك مناسب للمستوى اللي هيكون في الفرح.. لو سمحتي احترمي رغبتي دي وماتجيش.
الخط سكت لحظات طويلة.. ثواني من الصمت الرهيب اللي كان بيقطع النفس، وبعدها قالت بصوت هادي جداً وخالي من أي انفعال
تمام.
وقفلت التليفون في وشي من غير ما تنطق حرف زيادة!
ماما قامت وقفت قدامي وعينيها مدمعة وقالت پغضب
إنتي إزاي عملتِ كده؟! إزاي ټجرحي
البنت الغلبانة دي وتكسري خاطرها بالشكل ده؟ دي قريبتي ومستواها من مستوايا!
بصيت لها ببرود وقولت
أنا آسفة يا ماما، معلش.. مش هقدر أقولك حاضر زي علاء في الموضوع ده بالذات، فرحي ده حلم عمري وعمري ما هسمح لواحدة شبها تبوظه لي بكلمتين بلدي ولا بلبسها اللي مش ولا بد.
وقفلت الموضوع على كده ودخلت أوضتي
. بعدها بفترة عرفت إن علاء اتكلم مع نهله وسألته عجبك اللي اختك قالته؟، وعلاء كالعادة أيدني وقالها معلش، هي معاها حق، وعموماً الفرح ده هيكون ممل بالنسبة لك ومش هيعجبك أصلا.. وهي ما علقتش بكتير، وكل اللي قالته تاني تمام.
عدت أيام التجهيزات بسرعة البرق، وأنا
في قمة سعادتي وهدوئي. كنت شايفة إن كل حاجة ماشية زي ما بتمنى، المعازيم كلهم طبقة راقية جداً، والضحكات في كل حتة. وكنت فاكره ان موضوع نهله خلاص اتقفل ومبقتش افكر فيه نهائي!
مكنش فاكرة أبداً إن سكوتها ده كان الهدوء المرعب اللي بيسبق العاصفة.
وليلة الفرح، وفي عز السعادة والزفة، حصلت الکاړثة اللي محدش فينا توقعها . کاړثة خلتني أنا وعلاء نندم على كل حرف قلناه في حق نهلة، وفتحت علينا باب جهنم في ليلة كانت المفروض تكون أجمل ليلة
أول ما الأغنية وقفت فجأة، والنور اللي كان مالي القاعة انطفى، حسيت إن قلبي وقع في رجلي. كنت لسه واقفة جنب عريسي على الكوشة، وبضحك
للناس وبسلم
اللي بيباركولي، وفجأة لقيت شاشة العرض الكبيرة اللي ورايا نورت، وظهر عليها فيديو أنا عمري ما شفته قبل كده!
في الأول افتكرت إنه فيديو صورنا قبل الفرح، بس أول ما الصورة وضحت، لقيت نفسي أنا اللي ظاهرة على الشاشة، وأنا قاعدة في الصالون يوم ما كلمت نهلة، صوتي واضح وأنا بقول لها بكل غرور
بصي يا حبيبتي، إنتي خطيبة أخويا وعلى عيني وعلى راسي، بس بصراحة لا شكلك ولا أسلوبك ولا مقامك مناسب للمستوى اللي هيكون في الفرح!
شهقة كبيرة طلعت من وسط المعازيم، وبعدها صوتي كمل وأنا بقول
مش عايزاكي تكسفيني قدام الناس بأسلوبك البلدي وكلامك اللي زي السم!
حسيت إن الأرض
بتلف بيا، وبصيت ناحية علاء أخويا اللي كان واقف وسط المعازيم، لقيته متسمر مكانه، ووشه أصفر كأنه شاف عفريت.
الفيديو خلص، وظهر بعده تسجيل تاني لعلاء وهو بيتكلم مع نهلة، وصوته واضح وهو بيقول لها
معلش يا نهلة، هي معاها حق، والفرح ده هيكون ممل بالنسبة لك ومش هيعجبك أصلاً.
المرة دي مكنش فيه همس بس، لأ، القاعة كلها اتقلبت، والناس بقت تبص لبعضها، وفيه اللي طلع تليفونه يصور، وفيه اللي كان بيبص لي باحتقار، وفيه اللي وشه اتقلب من الصدمة.
جوزي قرب مني وهمس پغضب
إيه اللي بيحصل ده؟ وإيه التسجيلات دي؟!
كنت بترعش ومش عارفة أرد، وكل اللي قدرت أقوله
أنا معرفش! والله
ما أعرف مين عمل كده!
وفجأة، الشاشة اسودت، وظهر عليها كلام مكتوب بخط أبيض
أنا نهلة، البنت الريفية الجاهلة اللي مكنتش تستاهل تحضر فرحك. حبيت بس أوريكي إن الأخلاق مش بتتقاس باللبس ولا بالمستوى الاجتماعي، وإن اللي بيكسر خاطر الناس لازم يعرف إن كرامتهم مش لعبة في إيده.
وبعدها ظهر تسجيل صوتي لنهلة، صوتها هادي بشكل غريب، قالت فيه
أنا مش جاية أفضح حد، ولا أنتقم من حد. أنا بس عايزة الناس تعرف إن فيه فرق بين إنك تكوني بنت ناس، وإنك تكوني متربية على احترام الناس.
وبعدين الشاشة طفت خالص.
كنت واقفة مكاني، مش قادرة أرفع عيني في عين حد. الفرح اللي كنت بحلم بيه
سنين، واللي صرفت
